کراچی (نیوزڈیسک )وزیر خوراک سندھ اورپاکستان پیپلزپارٹی کے رہنما منظورحسین وسان نے کہاہے کہ مستقبل میں لندن کی سیاست کراچی پر اثر انداز نہیں ہوگی۔پیر کوکراچی میں میڈیا سے گفتگو کرتے ہوئے منظور وسان نے کہا کہ ایم کیو ایم کے قائد الطاف حسین کو زیادہ سے زیادہ آرام کی ضرورت ہے، ان کے لئے مشورہ ہے کہ وہ دن کے اوقات میں تقاریر کیا کریں۔ انھوں نے کہا کہ مستقبل میں لندن کی سیاست کراچی کے حالات پر اثر اندار نہیں ہو گی۔ منظور وسان نے پاکستان تحریک انصاف کے چیئرمین عمران خان کو بھی مشورہ دیا کہ وہ 2018 تک انتظار کریں۔