اسلام آ باد(آن لائن)تھانہ مارگلہ پولیس نے جعلی لیفٹیننٹ خاتون کو گرفتار کر کے مقدمہ درج کر لیا۔مزید تفتیش جاری ہے۔گزشتہ روز خود کو پاکستان نیوی کی لیفٹیننٹ افسر
ظاہر کرنے کے الزام میں کشمیر سے تعلق رکھنے والی خاتون کے خلاف مقدمہ درج کرکے اسے گرفتار کر لیا گیا۔ محمد خان ولد ذوالفقار نے درخواست دی کہ پاکستان نیوی میں بطور لیڈنگ میرین تعینات ہوں، ایک لڑکی جس کا تعلق کشمیر سے معلوم ہوا ہے پاکستان نیوی کی یونیفارم میں لیفٹیننٹ رینک لگا کر نیول ہیڈ کوارٹر کے گیٹ نمبر 1 بیرئیر پر آئی دریافت کرنے پر شک ہوا مذکورہ لڑکی نے خود کو پی این ایس کارساز کراچی میں میڈیکلآفیسر ظاہر کیا۔ اس کے پاس کوئی سروس کارڈ موجود نہ تھا۔ تصدیق سے پتہ چلا کہ وہ نیوی کی ملازم نہ ہے۔ پاکستان نیوی کا یونیفارم پہن کر خود کو افسر ظاہر کیا۔ کانسٹیبل تنزیلہ بی بی اسے تھانہ لائی ہیں۔ مارگلہ پولیس نے مقدمہ درج کر لیا۔مزید تفتیش جاری ہے۔
