کراچی۔۔۔۔۔سندھ حکومت نے کابینہ میں توسیع کرتے ہوئے اس میں مزید 2 وزرا کو شامل کرنے کا فیصلہ کیا ہے۔ سندھ حکومت نے صوبائی کابینہ میں توسیع کا فیصلہ کیا ہے جس میں مزید دو نئے وزرا کو شامل کیا جائے گا جن میں سابق وزیر داخلہ سندھ ذوالفقار مرزاکے صاحبزادے حسنین مرزا اور نادرمگسی کو وزارتیں دیئے جانے کا امکان ہے جب کہ ذرائع کا کہنا ہیکہ حسنین مرزا اور نادر مگسی ا?ج بحیثیت وزیر کے عہدے کا حلف اٹھالیں گے۔واضح رہے کہ نادر مگسی اس سے قبل بھی سندھ کابینہ میں وزیر خوراک رہے ہیں اور وہ سابق گورنر بلوچستان ذوالفقار مگسی کے بھائی ہیں اور حسنین مرزا اپنے والد ذوالفقار مرزا کی جگہ بدین سے پیپلزپارٹی کے ٹکٹ پر الیکشن لڑ کر منتخب ہوئے ہیں جب کہ اس وقت سندھ کابینہ میں وزرا کی تعداد 17 ہے۔