اسلام آباد ( آن لائن )سابق وزیر اعظم نواز شریف کی میڈیکل رپورٹس اور سابق چیف جسٹس گلگت بلتستان راناشمیم کا بیان نوٹرائز کرنے والا ایک ہی شخص نکلا ، راناشمیم کا ثاقب نثار سے متعلق بیان حلفی اور میڈیکل رپورٹس چارلس ڈراسٹن نے نوٹرائز کی تھی۔
یہ انکشاف نجی ٹی وی کی رپورٹ میں کیا گیا ہے رپورٹ کے مطابق نوازشریف کو میڈیکل رپورٹ نوٹرائز کرنیوالے نے ہی راناشمیم کا بیان حلفی نوٹرائزکیا ، برطانیہ سے حکومت کوبھیجی گئی میڈیکل رپورٹس چارلس ڈراسٹن نے نوٹرائزکی تھی جبکہ رانا شمیم کا ثاقب نثارسے متعلق بیان حلفی بھی چارلس ڈراسٹن نے نوٹرائز کیا۔ دوسری جانب چارلس ڈراسٹن نے نجی ٹی وی سے گفتگو کرتے ہوئے کہا کہ میرا وہی کام ہے جو کسی نوٹری پبلک کا ہوتاہے،راناشمیم نے جوکہا وہ بیان نوٹرائز کیا،راناشمیم کاحلف نامہ سچ ہے یا جھوٹ ،ہماراکام نہیں۔اس حوالے سے وزیر مملکت براطے اطلاعات فرخ حبیب نے نجی ٹی وی سے گفتگو میں کہا کہ و اضح ہے عدلیہ کیخلاف سازش کی گئی ہے، مریم نوازکے معاملے کی سماعت ہونیوالی ہے، ایک جج کانام لیکرالزام لگایاگیا۔وزیرمملکت کا کہنا تھا کہ جب بھی کبھی عدلیہ کیخلاف معاملہ ہون لیگ سامنے آجاتی ہے، موجودہ کیس میں یہ راناشمیم کو سامنے لے ا آئے ہیں، مریم نواز، رانا شمیم جیسے کرداروں کو استعمال کرتی ہیں۔فرخ حبیب نے مزید کہا عدالت کہہ چکی ہیکہ وہ کیس کافیصلہ کرناچاہتی ہے، سپریم کورٹ اور اداروں پر حملہ کرنان لیگ کی تاریخ ہے ، سوائے قطری خط انھوں نے عدالت میں کچھ جمع نہیں کرایاتھا۔
