اسلام آباد (این این آئی ٗ مانیٹرنگ ڈیسک)وزیر اعظم نے توشہ خانہ سے کتنے تحائف لیے؟ حکومت نے شہری کو معلومات دینے سے انکارکر دیا ۔ پاکستان انفارمیشن کمیشن کے فیصلے کے خلاف وفاق کی پٹیشن پر سماعت کااسلام آباد ہائی کورٹ کے جسٹس میاں گل حسن اورنگزیب نے
تحریری حکم نامہ جاری کر دیا جس کے مطابق وفاقی حکومت نے وزیر اعظم کو ملنے والے تحائف کی تفصیل بتانے کا حکم چیلنج کیا، پاکستان انفارمیشن کمیشن نے شہری رانا ابرار خالد کی درخواست پر معلومات فراہم کرنے کا آرڈر دیا تھا۔حکم نامہ کے مطابق وفاق کے مطابق وزیر اعظم کو ملنے والے تحائف کی تفصیل کلاسیفائیڈ ہے۔ حکم نامے میں کہاگیاکہ وفاق کے مطابق اگر وزیر اعظم کو ملنے والے تحائف کی تفصیل بتادی تو پاکستان کے مفاد کو نقصان ہوگا، وفاق کے مطابق ایسی معلومات کی فراہمی سے عالمی تعلقات متاثر ہونے کا بھی خدشہ ہے۔پاکستان انفارمیشن کمیشن کا آردڑ کے مطابق وزیراعظم عمران خان کو سربراہان مملکت کی طرف سے کتنے تحائف ملے، شہری کو بتائیں کہ وزیراعظم عمران خان نے توشہ خانہ سے اپنے پاس کتنے تحائف رکھے؟ اسلام آباد ہائی کورٹ نے پاکستان انفارمیشن کمیشن اور درخواست گزار ابرار خالد کو نوٹس کر دیا ۔مقدمہ اسلام آباد ہائی کورٹ میں 6 اکتوبر کو سماعت کیلیے مقرر کردیا گیا۔
