راولپنڈی (آن لائن) وزیر جیل خانہ جات پنجاب فیاض الحسن چوہان نے کہا ہے کہ عون چوہدری اور راجہ ریاض کے پارٹی مخالف بیانات پر انہیں ڈھٹائی کی بجائے شرمندہ ہونا چاہئے تھا مناسب ہوتا کہ عون چوہدری ہیرو گیری کرنے کی بجائے وزیراعظم عمران خان کے احسان مند ہوتے جنہوں نے عون چوہدری کو زمین سے اٹھا کر آسمان پر پہنچایا فیاض الحسن چوہان نے مزید کہا کہ پی ٹی آئی سے نسبت پر عوام نے عون چوہدری اور ترین گروپ کے دیگر رہنماؤں کو ووٹ ڈالے ورنہ ان کی اتنی اوقات نہیں تھی کہ اپنے بل بوتے پر عوام کے نمائندہ منتخب ہوتے انہوں نے کہا میں دعوے سے کہتا ہوں کہ راجہ ریاض ابھی مستعفی ہو کر اپنی ساکھ پر دوبارہ منتخب نہیں ہو سکتے ہمت ہے تو راجہ ریاض میرا یہ کھلا چیلنج قبول کر کے دکھائیںفیاض الحسن چوہان نے یہ بھی کہا کہ پاکستان تحریک انصاف میں صرف ایک گروپ ہے اور وہ وزیراعظم عمران خان گروپ ہے کسی قسم کی دھڑے بازی اور پارٹی کو تقسیم کرنے کی کوئی سازش ناقابل برداشت ہے۔