سرینگر (نیوزڈیسک)پاکستانی ہائی کمشنر کی طرف سے عید ملن استقبالیہ ،کشمیری رہنماﺅں کی روانگی شروع،بھارتی حکمرانوں میںشدیداضطراب کی لہردوڑ گئی،مقبوضہ کشمیر میں کل جماعتی حریت کانفرنس کے چیئرمین میرواعظ عمر فاروق کی قیادت میں 2 رکنی وفد نئی دہلی میں پاکستانی ہائی کمشنر کی طرف سے جانے والے عید ملن استقبالیہ میں شرکت کیلئے نئی دہلی روانہ ہوگیا وفد میں میر واعظ کے علاوہ سینئر حریت رہنماءمولانا مسرور عباس انصاری بھی شامل ہیں۔ میر واعظ عید ملن پارٹی میں شرکت کے علاوہ پاکستانی ہائی کمشنر اور دیگر سفارت کاروں کے ساتھ تبادلہ خیال کریں گے اور انہیں کشمیر کی موجودہ سیاسی صورتحال اور مسئلہ کشمیر کے سلسلہ میں کشمیری عوام کے جذبات اور احساسات سے آگاہ کریں گے۔ میرواعظ پاکستانی ہائی کمشنر کو کشمیری عوام کے مسئلہ کشمیر کے حوالہ سے جذبات و احساسات سے آگاہ کریں گے، واضح رہے کہ اس سے قبل بھی پاکستانی ہائی کمشنر سے کشمیری رہنماﺅں کی ملاقاتوں پر بھارتی حکومت نے شدید ردعمل کا اظہار کیاتھا اورپاکستان کے ساتھ مذاکرات سے انکار کردیاتھا۔