اسلام آباد(نیوز ڈیسک)پاکستان تحریک انصاف کا ٹکٹ ہولڈر تیمور بھٹی ڈکیت نکلا، لوٹا ہوامال اور چھینی گئی گاڑیوں موصوف کے گھر سے برآمد کرلی گئیں جبکہ پولیس نے تیموربھٹی اور ان کے ساتھی بابرجمال خان کی گرفتاری کیلئے چھاپے مارناشروع کردیئے۔ ڈی ایس پی سٹی سرگودھا کے مطابق شیخ سلطان کے علاقے سے چھینی گئی گاڑی کی تھانہ کینٹ پولیس کو رپورٹ ہوئی ، گاڑی میں ٹریکر نصب تھا ، ٹریکنگ کمپنی کے تعاون سے پولیس ضلع جھنگ کی حدود میں ایک حویلی میں جاپہنچی جہاں پر مذکورہ گاڑی سمیت دیگر گاڑیاں اور لوٹاگیا سامان برآمد کرلیاگیاجبکہ حویلی کی چھان بین کے دوران وہاں سے لاکھوں روپے بھی ملے۔ واردات میں استعمال ہونیوالی پراڈوگاڑی بھی موقع سے پولیس نے قبضے میں لے لی۔ مذکورہ حویلی پی ٹی آئی کے ٹکٹ ہولڈ رتیمور بھٹی کی ہے اور پی پی 81جھنگ سے تیمور بھٹی نے پی ٹی آئی کے ٹکٹ پر الیکشن لڑا۔ پولیس کے حوالے سے بتایاکہ سرگودھا اور جھنگ میں ہونیوالی ڈکیتیوں کا سرغنہ تیمور بھٹی ہے اور وہ ڈکیتی سمیت دیگر مقدمات میں مطلوب ہے جبکہ پولیس نے تیمور بھٹی اور اس کے ساتھی بابر جمال خان کی تلاش شروع کردی۔