سیول (نیوز ڈیسک) آپ کو پتہ چلے کہ کمپنی نے موبائل فون کی بجائے نیا ٹینک متعارف کروادیا ہے، تو آپ کیسا محسوس کریں گے؟ موبائل فون بنانے والی مشہور کمپنیوں کے صارفین سمارٹ فون کے نئے سے نئے ماڈل کیلئے منتظر رہتے ہیں، لیکن تصور کریں کہ آپ اپنی پسندیدہ کمپنی کے نئے فون کے منتظر ہوں اورشاید آپ اس بات کو مذاق سمجھ رہے ہوں لیکن ایک ایسی کمپنی ضرور ہے جو نئے نئے موبائل فون بنانے کے ساتھ ساتھ خوفناک تباہی مچانے والے ٹینک بھی بنارہی ہے۔ یہ جدید ترین ٹینک جنوبی کوریائی فوج کے اس سے پہلے زیر استعمال ٹینک K55 کی جگہ لینے کیلئے تیار کیا گیا ہے۔ 47 ٹن کے اس ٹینک کا ابتدائی ڈیزائن 1990ءکی دہائی میں متعارف کروایا گیا تھا اور سام سنگ کی ذیلی کمپنی اسے بڑے پیمانے پر تیار کررہی ہے۔سام سنگ کے موبائل فونز کی قیمتیں تو آپ کو معلوم ہی ہوں گی، لیکن اس کے ٹینک کی قیمت شاید آپ کیلئے کچھ حیرانی کا باعث ہو۔