نیویارک۔۔۔۔فا سٹ اینڈ فیوریس کے ڈرائیورز نے تیز رفتار فارمولہ ون کار پر سے ٹرک گزار کر دنیا کو حیران بھی کیا اور گنیز بک ا ف ورلڈ ریکارڈ میں نام بھی درج کرا لیا۔ ایک مدت سے فاسٹ اینڈ فیوریس اور جیمز بانڈ جیسی فلموں نے دنیا کو اپنے سحر میں مبتلا کر رکھا ہے۔ اسٹنٹ مین مائیک ریان اور مارٹن ایوانوف بھی اسی ٹیم کا حصہ ہیں۔ ان کا کام ہی ایسی فلموں میں ناقابل یقین اسٹنٹ کرنا ہے۔ اب یہ دونوں ایک نئے روپ میں دنیا کو حیران کرنے ا ئے ہیں۔ ایک تیز رفتار ٹرک کو چلاتے ہوئے مائیک ریان اور فارمولہ ون کار میں بیٹھے مارٹن نے مہارت کا اعلیٰ مظاہرہ کیا۔ مائیک ریان نے ٹرک کو تیز رفتار چلتی فارمولہ ون کار کے اوپر سے گزار کر سب کو حیران کر دیا۔ 83 فٹ 7 انچ کے فاصلے سے جمپ لگا کر انہوں نے گنیز بک ا ف ورلڈ ریکارڈ میں بھی اپنا نام درج کر لیا ہے۔ مارٹن اور مائیک اس سے قبل فاسٹ اینڈ فیوریس، جیمز بانڈ اور بورن سیریز میں اپنی مہارت کے جوہر دکھا چکے ہیں۔