لاہور (نیوزڈیسک) لاہورہائیکورٹ نے ماڈل عبیرہ قتل کیس کی ملزمہ عظمی راﺅ عرف طوبی کی درخواست ضمانت پرپولیس سے مقدمے کا ریکارڈ طلب کر لیا ۔گزشتہ روز لاہور ہائیکورٹ کے جسٹس ارشد محمود تبسم نے کیس کی سماعت شروع کی تو ملزمہ کے وکیل نے عدالت میں موقف اختیار کیا کہ پولیس نے بغیر کسی گواہ اور ثبوت اورویڈیو فوٹیج کو بنیاد بنا کر عظمی راﺅ کے خلاف عبیرہ نامی ماڈل کے قتل کا مقدمہ درج کرلیاہےحالانکہ وہ اس قتل میں ملوث نہیں ۔عظمیٰ راﺅ اپنی بے گناہی ثابت کرنا چاہتی ہے لہٰذا معزز عدالت سے استدعا ہے کہ ضمانت منظور کی جائے۔ عدالت نے درخواست ضمانت پر تھانہ شیرا کوٹ کے ایس ایچ او کو 13جولائی کے لئے نوٹس جاری کرتے ہوئے جواب طلب کر لیا۔