ممبئی (نیوز ڈیسک) کرکٹر ہربھجن سنگھ کا نام کئی برس سے بالی ووڈ ادکارہ گیتا بسرا کے ہمراہ لیا جاتا ہے، تاہم دونوں ہی اس حوالے سے میڈیا کو کسی قسم کی وضاحت دینے کو تیار نہ تھے۔ اب ایسا محسوس ہورہا ہے کہ ہربھجن ان تعلقات کو قبول کرنے کیلئے تیار ہوچکے ہیں۔ اس کا ثبوت دونوں کی گزشتہ روز ممبئی میں آئی ٹی سی مراٹھہ میں ایک ساتھ آمد ہے۔ دونوں اس سے قبل ایک ساتھ میڈیا کی نگاہوں میں آنے سے کتراتے تھے اور ایسے ہر موقع کو نظر انداز کرتے تھے جہاں پر میڈیا سے مڈبھیڑ کا اندیشہ ہو مگر آئی ٹی سی مراٹھہ آمد کے موقع پر دونوں ہی بااعتماد طریقے سے کیمروں کے سامنے سے گزرے۔ دونوں کے چہرے پر مسکراہٹ واضح طورپر دیکھی جاسکتی تھی اور کسی بھی قسم کی گھبراہٹ کا شائبہ تک نہ تھا ۔