اسلام آباد (این این آئی) پاکستان مسلم لیگ(ن) کی ترجمان مریم اورنگزیب نے وزیراعظم عمران خان کے بیان پر ردعمل کا اظہار کرتے ہوئے کہاہے کہ اصل مسئلہ نالائق ، نااہل اور کرپٹ ٹولے کے خلاف عوامی ردِ عمل اور فیصلہ ٹی وی پہ نہ دکھانا ہے،

آخر اصل بات سامنے آ ہی گئی، بلی تھیلے سے باہر آ ہی گئی۔ اپنے بیان میں انہوںنے کہاکہ عمران صاحب کون سی معاشی ریکوری اور بحالی ؟،عمران صاحب آٹا 90 روپے اور چینی 115 روپے ؟ کون سی ریکوری۔ انہوںنے کہاکہ عمران صاحب قومی ترقی کی شرح 1952 کے بعد پہلی دفعہ منفی ! کون سی ریکوری ؟،عمران صاحب ڈھائی سال میں 16000 ارب کا تاریخی قرض ! کون سی ریکوری،بجلی 200فیصد اور گیس 500 فیصد مہنگی ؟ کون سی ریکوری،ملک میں آپ نے اڑھائی سال سے معاش ، روزگار ، اور ظہارِ رائے کا لاک ڈاؤن کیا ہوا ہے۔ انہوںنے کہاکہ عمران صاحب معیشت کرونا نے نہیں آپ نے تباہ کی ہے ،عمران صاحب روزگار کرونا نے نہیں آپ نے تباہ کیا ہے ۔ انہوںنے کہاکہ پاکستان کی معیشت کو گزشتہ اڑھائی سال سے کورونا سے بڑی اور مہلک بیماری چمٹی ہوئی ہے،عمران صاحب اب رونے سے ، دھمکی دینے سے ، کرونا کے پیچھے چھپنے سے این آر او نہیں ملے گا۔