ماسکو(نیوزڈیسک) بلوچستان میں سرگرم علیحدگی پسند و فرقہ وارانہ تنظمیں چین و پاکستان کی ترقی کو روکنے اور ایران پر خفیہ جنگ مسلط کرنے کی غرض سے بنائی گئیں ہیں، ان میں سے بعض کالعدم تنظیموں کی بھرتیاں ’’ موساد‘‘ اور ’’ سی آئی اے‘‘ ملکر کرتی ہیں۔ اس کا انکشاف روس کے انگلش نیوز ٹی وی چینل ’’ آر ٹی ‘‘ نے اپنی ایک تحقیقاتی رپورٹ میں کیا ہے ۔ مذکورہ رپورٹ میں کہا گیا ہے کہ بلوچستان میں دنیا بھر کی انٹیلی جنس ایجنسیاں کا م کر رہی ہیں ، بلوچستان ایر ان اور افغانستان کے قریب ایک خطرناک علاقہ بن چکا ہے جسے جغرافیائی سیاست میں بھی انتہائی اہمیت حاصل ہے اور اس پر دنیا کی بیشتر طاقتوں کی نظر ہے کیونکہ بلوچستان تیل اور گیس کی پائپ لائنوں کا چوراہے پر واقع ہے جو وسطی ایشیائی ریاستوں ،ایران ، اور دیگر علاقوں سے آسکتی ہیں۔ جس سے ایران، پاکستان ، چین، ترکمانستان، افغانستان ، بھارت اور وسطی ایشیائی ریاستیں بے تحاشہ فائدہ اْٹھا سکتیں ہیں۔اس کے علاوہ بلوچستان کی اہمیت کی ایک اور بڑی وجہ گوادر پورٹ ہے جو کہ چین کے تجارتی جہازوں کی بحرہند اور افریقہ تک رسائی کا راستہ ہےلیکن تشدد و عدم استحکام بلوچستان میں مشکلات پیدا کر رہا ہے ۔آر ٹی کی اس تحقیقاتی رپورٹ میں معروف تفتیشی رپورٹر ’ ایرک یسٹر ‘ نے بتایا ہے کہ کچھ بین الاقوامی طاقتیں بلوچستان کو عدم استحکام کا شکار رکھنا چاہتی ہیں۔ بلوچستان میں کئی دہشت گرد تنظمیں سرگرم ہیں جن میں لبریشن آرمی ،جند اللہ ،بلوچ رپبلکن آرمی اور لشکر طیبہ وغیر ہ شامل ہیں۔ جند اللہ ایک عرصہ سے ایران کو غیر مستحکم کر رہی تھی ، ان دہشت گرد تنظیموں کا ملاپ محض اتفاق نہیں اس کا امریکہ اور مغربی طاقتوں کے مفاد ات سے براہ راست تعلق ہے تاکہ چین کو روکا جا سکے، پاکستان میں عدم استحکام پیدا کیا جا سکےاور ایران پر خفیہ جنگ مسلط کی جا سک