اسلام آباد(نیوزڈیسک )پولیس اور پراسیکیوٹرز نے لوگوں سے درخواست کی ہے کہ وہ ایسے موبائل فون کور نہ خریدیں جو گن کی طرح نظر آتے ہوں۔نیو جرسی سٹیٹ پولیس نے فیس بک پر عوام کے نام پیغام میں کہا ہے کہ یہ انتہائی خطرناک اور خوفناک عمل ہے، ہم آپ کو سختی سے انتباہ کرتے ہیں کہ اس قسم کی اشیا قطعی استعمال نہ کریں کیونکہ جب کسی ناگہانی صورتحال کا سامنا کرنا پڑے تو پولیس افسروں کے پاس فیصلہ کرنے کیلئے وقت بالکل نہیں ہوتا۔ ”لاس اینجلس ٹائمز“ کی رپورٹ کے مطابق مارکیٹ میں موبائل فون کے بندوق کی شکل والے مختلف رنگوں اور ڈیزائنوں کے کور دستیاب ہیں اور انہیں ای بے سمیت متعدد ویب سائٹس کے ذریعے بھی خریدا جا سکتا ہے۔گزشتہ چند برسوں کے دوران کئی ایسے واقعات ہو چکے ہیں جن میں متعدد بچوں پر پولیس نے اس شبہے میں گولی چلا دی کہ اس کے خیال میں نوجوانوں کے پاس خطرناک ہتھیار ہیں۔ فروری میں بھی ایسا ہی واقعہ ہوا جب لاس اینجلس میں پولیس آفیسر نے گولی چلا کر 15 سالہ لڑکے کو زخمی کر دیا جو ایک نقلی گن لئے دوست کے ساتھ کھڑا تھا۔ گزشتہ برس شمالی کیلیفورنیا کے شیرف کے نائب پر غیر اعلانیہ طور پر مقدمہ نہیں چلایا گیا جس نے 13سالہ لڑکے کو سات گولیاں مار کر موت کے گھاٹ اتار دیا تھا جس کے پاس ایک نقلی اسالٹ رائفل دی اور جو دیکھنے میں بالکل اصلی معلوم ہوتی تھی۔ اس قسم کے ایک کیس ایسا بھی ہے جس میں کلیو لینڈ کے ایک پولیس آفیسر نے نقلی بندوق لے کر گھومنے والے 12سالہ لڑکے کو گولی مار دی تھی اور پولیس آفیسر کا کہنا تھا کہ اس کے پاس اسے پر گولی چلانے کے سوا کوئی چار نہیں تھا۔