بیجنگ(نیوزڈیسک) چینی ایئر فورس نے سنکیانگ صوبے کے زلزلے سے متاثرہ علاقے میں ایک ڈرون بھیجا جو اس کے مطابق ایسے کسی کام کےلئے چین میں پہلی مرتبہ استعمال کیا گیا۔میڈیا رپورٹ کے مطابق چین اپنی فوج کو جدید خطوط پر استوار کرنے کے لیے ان دنوں ایک بڑے ڈرون پروگرام پر کام کر رہا ہے جسے یہ گھریلو استعمال اور برآمد کرنے کا ارادہ رکھتا ہے۔چینی فضائیہ نے اپنے ایک اعلامیے میں کہا کہ سنکیانگ صوبے پر زلزلے کے فوری بعد ڈرون طیارے کو بھیجا گیا جس سے ریلیف کے کاموں کے لیے اہم معلومات ملیں۔اعلامیے میں کہا گیا کہ اس طیارے نے علاقے میں تقریباً 100 منٹ پرواز کی اور زمینی صورت حال کے درست سائنسی حقائق فراہم کیے اعلامئے میں مزید معلومات فراہم نہیں کی گئیں۔چین کے اس دور دراز علاقے میں زلزلے کے نتیجے میں اب تک تقریباً چھ افراد ہلاک ہوچکے ہیں ۔