ممبئی (نیوز ڈیسک) ارجن کپور ممبئی کے ایک معروف ادارے سے کوکنگ کلاسزلے رہے ہیں۔ وہ ان دنوں چھٹیوں پر ہیں تاہم یہ چھٹیاں گھومنے پھرنے میں گزارنے کے بجائے وہارجن کی خواہش ہے کہ وہ گھریلو کاموں میں طاق ہوں تاکہ ان کی بیوی کو کوئی مسئلہ نہ ہو۔ ارجن کے مثالی شوہر بننے کی خبر سے بھارتی حسینائیں اداکار پر مرمٹنے کا تیار ہیں لیکن بے فکر رہیں ارجن یہ تمام پاپڑ آر بالکی کی رومینٹک کامیڈی فلم کیلئے بیل رہے ہیں۔ اس فلم میں ارجن کے مقابل کرینہ کپور ہیں جوکارپوریٹ سیکٹر میں اپنا شاندار کیریئر بنا چکی ہیں اور ارجن اپنے بیوی کے خوابوں کی تکمیل میں ان کا ساتھ دینے کی خاطر گھر کی تمام تر ذمہ داریاں اپنے سر لے لیتے ہیں۔ اب صورتحال یہ ہے کہ اس فلم میں ارجن کی بیوی بننے والی کرینہ تو اپنے اصل شوہر کے ساتھ چھٹیاں منانے یورپ کے دورے پر ہیں جبکہ خود ارجن فلم پروڈیوسر کے آفس میں سارا دن سکرپٹ رٹتے اور شام کوکنگ کلاسز میں گزارتے ہیں تاکہ اپنے کردار میں حقیقت سے قریب تررنگ پھر سکیں ۔