اسلام آباد ( آن لائن)چیئر مین سینیٹ محمد صادق سنجرانی سے سعودی عرب کے سفیر نے پارلیمنٹ ہاؤس میں ملاقات کی ہے ،دونوں رہنمائوں کے درمیان دوطرفہ تعلقات سمیت اہم امور پر تبادلہ خیال کیا گیا۔چیئرمین سینیٹ صادق سنجرانی نے کہا ہے کہ دونوں ملکوں کے مابین برادرانہ تعلقات ہیں،ہر مشکل وقت میں دونوں ممالک ایک دوسرے کے ساتھ کھڑے رہے ہیں،دونوں ممالک ہمیشہ بین الاقوامی معاملات اور مسائل
پر مشاورت سے کام کرتے ہیں،پاکستان اسرائیل کو کبھی تسلیم نہیں کر سکتا،اسرائیل کے حوالے سے متحدہ عرب امارات کے فیصلے کے دور رس نتائج ہونگے،سعودی عرب کے بادشاہ شاہ عبداللہ اور ولی عہد شہزدہ محمد بن سلمان کیلئے نیک خواہشات کا اظہارکیا ہے،پارلیمنٹ بالخصوص ایوان بالاء کی جانب سے اس عزم کا اعادہ کرتے ہیں کہ حرمین شریفین کی حفاظت کیلئے کسی قربانی سے گریز نہیں کیا جائے گا۔
