گوجرانوالہ۔۔۔۔پہلوانوں کے شہر میں عمران خان کے جلسے سے قبل مسلم لیگ (ن) اور تحریک انصاف کے کارکنوں کے درمیان شدید کشیدگی پائی جاتی ہے اور دونوں جانب سے کسی بھی تصادم کی صورت میں ٹماٹر ، بوسیدہ جوتے اور انڈے برسانے کی تیاریوں کی خبریں آرہی ہیں۔گوجرانوالہ میں تحریک انصاف کے جلسے سے سیاسی درجہ حرارت میں اضافہ ہوگیا ہے، گزشتہ کئی روز سے تحریک انصاف کی مقامی قیادت کی جانب سے آویزاں پوسٹرز کو جلانے اور ان پر سیاہی ملنے کے واقعات تواتر سے جاری ہیں، اس سلسلے میں گزشتہ روز پولیس نے بلال بٹ نامی ایک شخص کو رنگے ہاتھوں بھی گرفتار کیا تھا، جس کے خلاف 16 ایم پی او کے تحت مقدمہ درج کیا گیا ہے تاہم اس کے باوجود شہر میں سیاسی کشیدگی عروج پر ہے۔ دونوں جماعتوں کی مقامی قیادت نے ایک دوسرے پر الزام لگایا ہے کہ وہ مخالف جماعت کے کارکنوں اور قیادت پر ٹماٹر، بوسیدہ جوتے اور گندے انڈے پھینک سکتے ہیں۔
واضح رہے کہ گوجرانوالہ کو مسلم لیگ (ن) کا گڑھ کہا جاتا ہے جہاں قومی اور صوبائی اسمبلی کی تمام نشستوں پر مسلم لیگ (ن) کے امیدوار ہی کامیاب ہوئے تھے جبکہ 15 اگست کو تحریک انصاف کے لانگ مارچ پر اسی شہر میں حملہ ہوا تھا۔
گوجرانوالہ میں مسلم لیگ (ن) اور تحریک انصاف کے کارکنوں کے درمیان شدید کشیدگی
23
نومبر 2014
آج کی سب سے زیادہ پڑھی جانے والی خبریں
آج کی سب سے زیادہ پڑھی جانے والی خبریں