لاہور( این این آئی )صرف دو فٹ جگہ کا تنازعہ پر ملک کی سب سے بڑی عدالت میںدرخواست دائر کر دی گئی ۔شہری ادریس کی جانب سے راجہ عبدالرحمان ایڈووکیٹ کی وساطت سے سپریم کورٹ لاہور رجسٹری میں دائر درخواست میں موقف اختیار کیا گیا ہے کہ ماتحت عدلیہ نے حق میں فیصلہ دیا جبکہ
لاہور ہائیکورٹ نے کسی فریق کے حق میں فیصلہ دینے کی بجائے پراپرٹی کو سرکاری ملکیت قرار دیدیا، اسے اس کے حق سے محروم نہیں کیا جا سکتا اور وہ دو فٹ کا حق دار ہے ۔درخواست گزار نے استدعا کی کہ فاضل عدالت لاہور ہائیکورٹ کا فیصلہ کالعدم قرار دے اور ماتحت عدلیہ کا فیصلہ بحال رکھنے کاحکم دے۔
