لاہور( این این آئی )رواں سال کا آخری سورج گرہن آج (جمعرات )کو ہوگا جسے پاکستان میں دیکھا جا سکے گا۔پاکستان میٹرو لوجیکل ڈیپارٹمنٹ کے مطابق یہ سورج گرہن پاکستان میں 20 سال پہلے 1999 میں جزوی طور پر دیکھا گیا تھا۔سورج گرہن صبح 7 بجے سے نظر آئے گا جو دوپہر 1 بجے ختم ہوجائے گا
جسے کراچی، اسلام آباد، لاہور، کوئٹہ اور اسلام آباد سے لے کر گلگت تک دیکھا جا سکے گا۔کراچی میں سورج گرہن صبح 7 بج کر 34 منٹ پر شروع ہوگا اور اسے 8 بج کر 58 منٹ پر واضح دیکھا جا سکے گا۔ شہر قائد میں سورج گرہن کا دورانیہ 2 گھنٹے اور 32 منٹ پر مشتمل ہوگا اور یہ صبح 10 بج کر 19 منٹ پر ختم ہوجائے گا۔اسلام آباد میں سورج گرہن صبح 7 بج کر 50 منٹ پر شروع ہوگا جو کہ 8 بج کر 58 منٹ پر واضح دیکھا جا سکے گا اور یہ صبح 10 بج کر 15 منٹ پر ختم ہوجائے گا۔لاہور میں سورج گرہن صبح 7 بج کے 47 منٹ پر شروع ہو گا جو کہ 8 بج کے 58 منٹ پر واضح دیکھا جا سکے گا اور یہ صبح 10 بج کر 19 منٹ پر ختم ہو گا۔پشاور میں سورج گرہن کا دورانیہ 2 گھنٹے 25 منٹ ہوگا اور اس آغاز صبح 7 بج کے 48 منٹ پر ہو گا جب کہ 8 بج کے 56 منٹ پر اسے واضح دیکھا جا سکے گا۔ اس سال کے آخری سورج گرہن کو رنگ آف فائر کا نام دیا گیا ہے کیوں سورج کو جب گرہن لگے گا تویہ مکمل طور پر چاند کی وجہ سے ڈھک چکا ہوگا اور گرہن کی وجہ سے صرف سورج کے کنارے ہی نظر آئیں گے۔سورج گرہن کے موقع پر جامع مسجد منصورہ میں صبح دس بجے نمازکسوف ادا کی جائے گی ۔ شیخ القرآن و الحدیث حضرت مولانا عبد المالک نماز کسوف پڑھائیں گے۔
