ممبئی(نیوزڈیسک )بالی ووڈ اداکار اور بھارت کے سب سے مقبول ماڈل ارجن رامپال اور ان کی اہلیہ ماڈل مہر جیسیا نے علیحدگی کا فیصلہ کر لیا، قانونی تقاضے پورے ہونے کے بعد دونوں کے درمیان 6 ماہ بعد علیحدگی مکمل ہو جائے گی۔ ارجن رامپال اور مہر جیسیا نے پسند کی شادی کی، دونوں ایک وقت میں بھارت کے ٹاپ ماڈل تھے۔ دونوں کے رشتے میں دراڑ اس وقت پیدا ہوئی جب ارجن اور مہر کے فیملی فرینڈز ریتک روشن اور ان کی اہلیہ سوزین خان میں علیحدگی ہو گئی۔ اس علیحدگی کے پیچھے ارجن رامپال کا ہاتھ قرار دیا گیا، ایسی خبریں بھی سامنے آئیں کہ ارجن رامپال اور سوزین خان کی دوستی ہی سوزین کی ریتک سے علیحدگی کی وجہ بنی۔ ارجن اور مہر جیسیا نے اگرچہ ان خبروں کی تردید کی لیکن اس کے فوری بعد ہی دونوں کے درمیان کشیدہ تعلقات کی خبریں بھی سامنے آنا شروع ہوئیں۔ اب مہر اور ارجن نے باہمی مشورے سے علیحدگی کا فیصلہ کیا ہے۔ پہلے یہ سنا گیا تھا کہ دونوں نے باندرہ فیملی کورٹ میں علیحدگی کا معاملہ حل کرنے کیلئے درخواست دی ہے لیکن اب سنا ہے کہ مہر جیسیا نے سینئر ایڈووکیٹ مرونا لینی دیش مکھ کی خدمات حاصل کی ہیں۔