لاہور (نیوزڈیسک) فلمسٹار نور نے کہا ہے کہ عورت کسی بھی میدان میں مردوں سے کم نہیں ، عورت ماں بننے کے بعد عظیم ہستی بن جاتی ہے ، کراچی میں ڈرامہ سیریل کرنے جاتی ہوں لیکن مجھے لاہور زیادہ پسند ہے ۔ ایک انٹرویو کے دوران انہوں نے کہا کہ عورتیں کسی بھی شعبے میں مردوں سے پیچھے نہیں ہیں اور اب وہ مختلف شعبوں میں مردوں کے شانہ بشانہ کام کر رہی ہیں اور فلم انڈسٹری میں بھی وہ بطور ہدایتکارہ کام کر کے اپنی صلاحیتوں کا لوہا منوا چکی ہیں جس کی ایک زندہ مثال شرمین عبید چنائے ہیں جنہوں نے ٹیلی فلم بنا کر آسکر ایوارڈ حاصل کیا ۔ فلمسٹار نور نے کہا کہ ان دنوں میں دو فلموں ” عشق پازیٹو ” اور ” خدائے ذوالجلال ” میں کام کر رہی ہیں اور ” عشق پازیٹو ” میں میرے پرستار میرے کردار کو ضرور پسند کریں گے کیونکہ اس فلم میں میں نے کامیڈی بھی کی ہے ۔ انہوں نے کہا کہ لڑکی جب ماں بنتی ہے تو پھر وہ ایک مکمل عورت بن جاتی ہے ،

مزید پڑھئے:تامل فلموں کی معروف ہیروئن آرتی اگروال دل کا دورہ پڑنے سے چل بسی/a>

میں نے اپنی بیٹی فاطمہ کو ڈھائی سال کی عمر میں سکول میں داخل کروا دیا تھا اور جس دن میری بیٹی کا سکول میں داخلہ ہوا وہ دن میری زندگی کا یادگار دن تھا ۔ انہوں نے ایک سوال کے جواب میں کہا کہ سیاست سے کوئی دلچسپی نہیں مگر میں نے اپنا ووٹ مسلم لیگ (ن) کے حق میں استعمال کیا تھا ۔