تہران(این این آئی)ایرانی صدر حسن روحانی نے جولائی 2015 میں عالمی طاقتوں سے طے شدہ جوہری سمجھوتے کے مزید تقاضوں کو پورا نہ کرنے کا اعلان کیا ہے اور اپنے جوہری ادارے کو حکم دیا ہے کہ تیسرے اقدام کے طور پر جوہری تحقیق وترقی پرعاید تمام تحدیدات اور قدغنیں ختم کردی جائیں۔میڈیارپورٹس کے مطابق ایرانی صدر نے سرکاری ٹیلی ویژن پر نشری تقریر میں

کہاکہ میں اس وقت تیسرے اقدام کا اعلان کرتا ہوں۔ایران کی جوہری توانائی تنظیم کو حکم دیا جاتا ہے کہ وہ فوری طورپر تحقیق اور ترقی کے شعبے میں جو کچھ بھی درکار کام ہے، وہ شروع کردے اور تحقیق وترقی کے ضمن میں جو بھی پابندیاں عاید ہیں،ان سے دستبردار ہوجائے۔حسن روحانی نے اپنی تقریر میں کہا کہ ایران کا تیسرا جوہری اقدام سینٹری فیوجز کی ترقی سے متعلق ہے۔

موضوعات:ایران،امریکا،جوہری سمجھوتا،جوہری پروگرام،حسن روحانی