اسلام آباد (این این آئی) پاکستان پیپلز پارٹی کے چیئر مین بلاول بھٹو زرداری نے بھارت کی جانب سے مقبوضہ کشمیر کی خصوصی حیثیت ختم کرنے پر ردِ عمل دیتے ہوئے کہا ہے کہ مودی بھارت کا قصائی تو تھا ہی آج کشمیر کا قصائی بن گیا۔پیپلز پارٹی کے چیئر مین بلاول بھٹو زرداری نے پارلیمنٹ کے مشترکہ اجلاس میں شرکت کے دوران کہا کہ مودی سرکار کے پر تنقید کرتے ہوئے کہا کہ
غیر آئینی طریقے سے اس انتہا پسند وزیراعظم نے کشمیر کی خصوصی حیثیت کو ختم کر دیا ہے ، یہ ایک تاریخی حملہ ہے بھارت کے مسلمانوں پرخاص کر کشمیری مسلمانوں پر۔ایک صحافی کے سوال پر کہ وزیر اعظم نے ملائیشیا کے وزیر اعظم کو فون کیوں کیا امریکی صدر کو کال کیوں نہیں کی کے جواب میں بلاول بھٹو نے طنزیہ لہجے میں کہا کہ مجھے نہیں معلوم وزیرِ اعظم نے ایسا کیوں کیا۔
