اسلام آباد(سی پی پی)سابق وزیراعظم اور مسلم لیگ ن کے رہنما شاہد خاقان عباسی نے پارلیمنٹ کے مشترکہ اجلاس میں آنے سے انکار کردیا۔تفصیلات کے مطابق صدرمملکت ڈاکٹر عارف علوی نے مقبوضہ کشمیر کی صورتحال پر پارلیمنٹ کا مشترکہ اجلاس آج طلب کررکھا ہے،سپیکر قومی اسمبلی اسد قیصر نے گرفتار ارکان قومی اسمبلی
کے پروڈکشن آرڈر جاری کر رکھے ہیں ،نیب حکام نے کہا آپ کے پروڈکشن آرڈر آئے ہوئے ہیں ،اس پر سابق وزیراعظم نے کہا کہ میں نیب حوالات میں ہی ٹھیک ہوں ،میرے پارلیمنٹ کے اجلاس میں جانے یا نہ جانے سے کوئی فرق نہیں پڑتا،سابق وزیراعظم نے پارلیمنٹ کے مشترکہ اجلاس میں شرکت سے انکار کردیا۔
