لاہور ( آن لائن) چیئرمین پیپلز پارٹی بلاول بھٹو زرداری نے اپنے والد آصف علی زرداری کی گرفتاری کو اپنی شادی میں تاخیر کی وجہ قرار دیا ہے۔میڈیا سے گفتگو کے دوران چیئرمین پیپلز پارٹی بلاول بھٹو زرداری سے ایک صحافی نے سوال کیا کہ آپ کی شادی میں تاخیر کیوں ہورہی ہے؟۔ اس سوال کے جواب میں بلاول بھٹو زرداری نے کہا کہ انہوں نے اپنی شادی کا کام اپنے والد آصف علی زرداری کو دیا تھا لیکن وہ جیل میں ہیں

جس کی وجہ سے شادی میں تاخیر ہورہی ہے، جب وہ آئیں گے تو پھر ہی شادی کا بتایا جاسکتا ہے۔چیئرمین پیپلز پارٹی نے مسئلہ کشمیر پر تیسرے فریق کی ثالثی پر محتاط انداز اپنانے کا مشورہ دیا اور کہا کہ نریندر مودی کی حکومت کو بے نقاب کرنے کے لیے موقع ضائع نہیں کرنا چاہیے اور پاکستانی حکومت کو جارحیت کا معاملہ مکمل سنجیدگی سے لینا چاہیے۔ مسئلہ کشمیر پر ویسا نہیں ہونا چاہیے جیسا ٹرمپ نے فلسطین میں کیا۔