ممبئی (نیوزڈیسک)بھارت میں اداکاری کرنے کے لیے ممبئی میں ہر روز سینکڑوں لوگ آتے ہیں اور ان میں بہت سے لوگ کام کی تلاش میں در در بھٹکتے رہتے ہیں۔نئے فنکاروں کی اس مشکل کو حل کرنے اور ٹیلنٹ کو صحیح سمت دینے کے لیے سنیل ووہرا نے بھارت کی پہلی آن لائن کاسٹنگ سے متعلق پورٹل کی شروعات کی ہے جس کے ذریعے ایک اداکار اپنے ٹیلنٹ کو ہدایتکاروں کے سامنے لا سکتا ہے۔سنیل ووہرا کے خیال میں بھارت کے ہر کونے میں ٹیلنٹ بھرا ہوا ہے لیکن ممبئی میں وہ چھپ جاتا ہے کیونکہ یہاں نیٹ ورکنگ کے بغیر کام نہیں ملتا۔ان کا کہنا ہے کہ’میں نئے لوگوں کے لیے ہی اس پورٹل کو کھول رہا ہوں، جہاں خود کو فنکار رجسٹر کریں گے اور ان کی جانب سے دی گئی معلومات ہماری ویب سائٹ پر ایک کلک کرنے سے ہدایتکاروں تک پہنچ جائے گی۔برطانیہ کی فلم انڈسٹری سے متعلق ’ناو¿ پورٹل‘ کی طرز پر بنی اس ویب سائٹ کا آغاز تو کر دیا گیا ہے لیکن کیا لوگوں کو کام مل پائے گا؟بھارت کے ہر کونے میں ٹیلنٹ بھرا ہوا ہے لیکن ممبئی میں وہ چھپ جاتا ہے کیونکہ یہاں نیٹ ورکنگ کے بغیر کام نہیں ملتاان کو اس پورٹل کے ذریعے کام ملنے اور اس پورٹل کے کامیاب ہونے کی بہت امید ہے۔فلم ’شوٹ آو¿ٹ ایٹ لوھنڈوالا‘ کے ہدایتکار اپورو لاھا کہتے ہیں کہ ’مجھے فرق نہیں پڑتا، اچھا ٹیلنٹ ہوگا تو وہ جہاں ملے گا میں وہاں سے اسے لے لوں گا۔‘دوسری جانب ہدایتکار سنہا کا کہنا ہے کہ ’اس پورٹل کو مارکیٹ میں لانے کی ضرورت ہے، اگر میں نے سنا کہ یہاں سے اچھا ٹیلنٹ مل رہا ہے تو میں ضرور لوں گا لیکن ابھی نہیں۔‘بھارتی فلم ’بدلہ پور‘ کے ہدایتکار شری رام راگھون کا تو اس پورٹل کے حوالے سے کہنا تھا کہ ’میں نے نہیں سنا کہ ایسا کچھ ہو رہا ہے اور ہو بھی رہا ہے تو ان پلیٹ فارمز سے فائدہ اٹھانے میں ابھی دیر ہے۔‘