دوحہ(این این آئی) طالبان کا آٹھ رکنی وفد انڈونیشیا کے دارلحکومت جکارتہ میں پہنچ گیا جہاں وفد نے انڈونیشیا کے نائب صدر یوسف کالااور وزیر خارجہ محترمہ ریٹنو لیستاری سمیت دیگر اعلی حکام سے انڈونیشیا کے دارلحکومت جکارتہ میں ملاقات کی ہے۔ملاقات میں افغان امن عمل اور موجودہ حالات کیساتھ ساتھ دیگر موضوعات پر مفید بات چیت ہوئی اور دونوں اطراف سے موجودہ دور میں

امت مسلمہ کے اتحاد اور بیداری کی مشترکہ کوششوں پراتفاق کیا گیا۔قطر کے دارلحکومت دوحہ میں قائم طالبان کے سیاسی دفتر کے سربراہ ملا برادر اخوند کی قیادت میں 8 رکنی وفد نے انڈونیشیا کے نائب صدر یوسف کالااور وزیر خارجہ محترمہ ریٹنو لیستاری سمیت دیگر اعلی حکام سے انڈونیشیا کے دارلحکومت جکارتہ میں ملاقات کی۔ انڈونیشیا میں موجود طالبان وفد میں قطر میں طالبان کے سیاسی دفتر کے سربراہ ملا برادر اخوند، مولوی عبدالسلام حنفی، مولوی سیدعلی، ملا خیراللہ خیرخواہ، مولوی امیرخان متقی، ملا نوراللہ نوری، ملا عبدالحق وثیق اور سیاسی دفتر کے ترجمان سہیل شاہین شامل ہیں،انڈونیشیا پہنچنے پر میزبان ملک کے اعلی حکام نے طالبان وفد کا شاندار استقبال کیا اور نائب صدر کی جانب سے عشائیے کا اہتمام بھی کیا گیا،جس میں نائب صدر سمیت انڈونیشیا کے اعلی حکام نے بھی شرکت کی۔اس موقع پر میڈیا سے بات چیت کرتے ہوئے سیاسی دفتر کے ترجمان سہیل شاہین نے کہا کہ میزبان ملک کے حکام سے ملاقات بہتر رہی، ان کے ساتھ افغان امن عمل اور موجودہ حالات کیساتھ ساتھ دیگر موضوعات پر مفید بات چیت ہوئی اور دونوں اطراف سے موجودہ دور میں امت مسلمہ کے اتحاد اور بیداری پر بحث اور اصرار کیاگیا۔