راولپنڈی(نیوزڈیسک) منی لانڈرنگ کیس میں گرفتار ایان علی نت نئے روپ میں عدالت آتی اور میڈیا کی توجہ حاصل کرتی ہے لیکن اس مرتبہ اسے خدمت خلق کا شوق چرایا ہے،ماڈل نے جیل سپرنٹنڈنٹ کو خط لکھا ہے کہ وہ ماہ صیام میں قیدیوں کو سحر وافطار کرانا چاہتی ہے۔ کالے ،گلابی ،سفید ،گرے غرض ہر رنگ کے لباس میں عدالت کے سامنے پیش ہونیوالی ایان علی کو اس کی ماڈلنگ سے شاید اتنی پذیرائی نہ ملی تھی جتنی شہرت اسے منی لانڈرنگ کیس میں گرفتار ہو کر ملی۔ ایان علی ایسی قیدی ہے جس کی بیرک پر ہر سپاہی اپنی ڈیوٹی لگوانا چاہتا ہےلیکن اگر کوئی اس کی تصویر کھینچے تو ماڈل مکا بھی مارتی ہے۔ اب ایان علی کے دل میں خدمت خلق کا جذبہ جاگا ہے اور اس نے جیل سپرنٹنڈنٹ کو خط لکھا ہے کہ وہ ماہ رمضان میں قیدیوں کو سحر وافطار کرانا چاہتی ہےں۔.