اسلام آباد (این این آئی) وزیراعظم کے معاون خصوصی عثمان ڈار نے کہا ہے کہ مریم نوازکے ثبوت غلط ثابت ہوئے توکارروائی ہونی چاہیے۔ایک انٹرویو میں عثمان ڈار نے کہا کہ جج صاحبان ثبوتوں پر فیصلہ کرتے ہیں۔ انہوں نے کہاکہ نیا پاکستان ہاؤسنگ پروجیکٹ کے ساتھ 40 انڈسٹریز اٹیچ ہیں، ایک کروڑ 20 لاکھ گھروں کی ڈیمانڈ موجود ہے، رواں ماہ سے ہاؤسنگ پروجیکٹ پر کام شروع ہوجائیگا۔عثمان ڈار نے کہا کہ کامیاب جوان پروگرام کے لئے 100ارب روپے رکھے گئے ہیں، نوجوانوں نے

ایمان داری، نیک نیتی،ذمہ داری سے کام کرنا ہے. ملک میں ہرسال7سے 8 لاکھ نوکریوں کی ضرورت پڑتی ہے۔انھوں نے کہا کہ فردوس عاشق اعوان بہترین وزیراطلاعات ہیں۔ انہوں نے کہاکہ آصف زرداری 100 فیصد کرپٹ ہیں، کرپشن چارجزمیں آصف زرداری بھی جیل میں ہیں، کرپشن چارجزپر نوازشریف بھی جیل میں ہیں۔انھوں نے خواجہ آصف اور سعید رفیق پر بھی تنقید کرتے ہوئے انھیں بدعنوان قرار دیا۔ان کا کہنا تھا کہ خواجہ آصف کو جو مینڈیٹ ملا، وہ اس کے مطابق ڈیلیور نہیں کرسکے۔