کراچی(این این آئی)اسٹیٹ بینک عید کے موقع پر اربوں روپے کے نئے کرنسی نوٹ جاری کرتا ہے لیکن ہر سال کی طرح اس بار بھی عوام کو نئے نوٹوں کے حصول میں مشکلات کا سامنا ہے ۔بولٹن مارکیٹ پر قائم اسٹیٹ بینک کی عمارت کے نیچے نئے نوٹوں کی زائد قیمت پر فروخت کا غیر قانونی کاروبار کھلے
عام جاری ہے ۔ اسٹیٹ بینک نے عید کے موقع پرعوام کو نئے نوٹوں کی بینکوں کے ذریعے فراہمی کیلئے ایس ایم ایس سروس بھی شروع کی لیکن وہ بھی ناکافی ثابت ہوئی۔عوام نے سوال اٹھایا ہے کہ اسٹیٹ بینک اور کمرشل بینکوں سے تو نئے نوٹ ملتے نہیں لیکن فٹ پاتھ کے ا سٹالز پر کہاں سے آجاتے ہیں۔
