اسلام آباد (این این آئی)کاؤنٹر ٹیررازم ڈیپارٹمنٹ (سی ٹی ڈی) نے کالعدم تنظیموں سے جڑی 11 تنظیموں پر پابندی کی سفارش کردی۔ذرائع کے مطابق لاہور اور کراچی کے کاؤنٹر ٹیررازم ڈیپارٹمنٹ نے کالعدم تنظیموں کی نگرانی کی اور اس نگرانی کی روشنی میں پنجاب سے 11 تنظیموں پر پابندی کی سفارش کی گئی ہے۔ذرائع نے بتایا کہ سی ٹی ڈی کراچی کی جانب سے 2 تنظیموں کو

زیر نگرانی رکھنے کی بھی سفارش کی گئی ہے۔ذرائع کے مطابق انسداد دہشتگردی ایکٹ 1998 کے تحت تنظیموں پر پابندی اور انہیں زیر نگرانی رکھنیکا فیصلہ وزارت داخلہ کرتی ہے۔ذرائع کے مطابق وزیرداخلہ اعجاز شاہ تنظیموں کو کالعدم قرار دینے کا حتمی فیصلہ کریں گے اور اس حوالے سے وزارت داخلہ کو بھیجی گئی سفارشات پر 2 سے 3 روز میں فیصلے کا امکان ہے۔