کراچی (آن لائن) ضلع غربی میں صفائی کی ذمہ داراچینی کمپنی ہینگ ڑو جیانگ گروپ نیخبردار کیا ہے کہ بلدیہ غربی کے عملے کی وجہ سے چینی سرمایہ کاری خطرے میں پڑسکتی ہے۔ ڈی ایم سی عملے کی جانب سے کچرا جمع کرنے والے بن تباہ کرنے پر

کمپنی نے سخت احتجاج کیا ہے اور سندھ سالڈ ویسٹ منیجمنٹ بورڈ سے مطالبہ کیا ہے کہ اس نقصان کی تلافی کی جائے۔ بلدیہ غربی کے عملے کو بن خراب کرنے سے روکا جائے، بلدیہ غربی کا عمل سالڈ ویسٹ کے شعبے میں چینی سرمایہ کاری کو متاثر کرسکتا ہے،سندھ سالڈ ویسٹ منیجمنٹ بورڈ کو لکھے گئے خط میں جس کی کاپیاں،ڈی ایم سی غربی اور ڈپٹی کمشنر غربی کو بھی بھیجی گئی ہیں،کمپنی نے کہا ہے کہ کچرا جمع کرنے کیلئے اس کی طرف سے غربی کی 40 یونین کونسلوں میں بن رکھے گئے تھے، ان بن سے کچرہ اٹھانے کیلئے خاص مشینری کی ضرورت ہوتی ہے،جو کمپنی کے پاس ہے لیکن بلدیہ غربی کی گاڑیاں ان کچرہ جمع کرانے والے بن کو غیر پیشہ ورانہ انداز میں خالی کرنے کی کوشش میں تباہ کررہی ہیں،چینی کمپنی کے بن کو تباہ کیا جارہا ہے اور انہیں کچرا جمع کرنے کی جگہ سے اٹھا کر کچرا کنڈیوں میں پھینکا جارہا ہے، جس سے کمپنی کو کروڑوں روپے کے نقصان کا سامنا ہے۔ کمپنی نے لیٹر کے ساتھ تصاویر بھی حکام کو بھیجی ہیں جن میں بلدیہ عملے کے ہاتھوں تباہ بن دکھائے گئے ہیں۔