لاہور(این این آئی)وزیر اعلیٰ پنجاب عثمان بزدار پر قسمت کی دیوی مہربان ہے جس کا ثبوت وزیر اعظم عمران خان کی جانب سے ہر تقریب میں ان کی تعریف کرنا ہے۔ پارٹی کے یوم تاسیس کے حوالے سے منعقدہ تقریب میں وزیر اعظم عمران خان نے کہا کہ مسلم لیگ (ن) والے ہر وقت یہ ظاہر کرنے کی کوشش کرتے ہیں کہ شہباز شریف جیسا وزیر اعلیٰ نہیں آیا۔ لیکن میں انہیں کہنا چاہتا

ہوں کہ وزیر اعلیٰ عثمان بزدار جیسا وزیر اعلیٰ نہیں آئے گا۔ مسلم لیگ (ن) جب پنجاب میں حکومت چھوڑ کر گئی تو 1100ارب روپے کا خسارہ تھا، پنجاب کے 60ارب روپے کے چیک باؤنس ہو گئے جبکہ حکومت سرکاری ملازمین کے پراونڈنٹ فنڈز کے 102ارب روپے بھی کھا گئی۔جب وزیر اعلیٰ پرویز خٹک نے خیبر پختوانخواہ کی حکومت چھوڑی توصوبہ 60ارب روپے سرپلس تھا۔