کولمبو (این این آئی )سری لنکا کی حکومت کے ایک ترجمان نے خیال ظاہر کیا ہے کہ گزشتہ روز ایسٹر سنڈے کے موقع پر ملک میں مختلف مقامات پر ہونے والے بم حملوں میں نیشنل توحید جماعت نامی مقامی شدت پسند مسلمانوں کا گروہ ملوث ہو سکتا ہے۔غیرملکی خبررساں ادارے کے مطابق ایک حکومتی ترجمان نے پیر کے روز بتایا کہ حکام تفتیش کر رہے ہیں کہ آیا ان حملوں کے لیے نیشنل توحید جماعت کو کوئی بین الاقوامی تعاون بھی حاصل رہا تھا۔ ترجمان نے کہا کہ ایک چھوٹا سا شدت پسند گروہ اس شدت کے حملے اکیلا نہیں کر سکتا۔