نئی دہلی (آن لائن)بھارتی ریاست اترکھنڈ کے ضلع ہردوار کے گاؤں میں کسان نے خودکشی سے قبل آخری پیغام میں لکھا کہ ’ بھارتیہ جنتا پارٹی کو ووٹ نہیں دیں‘۔ پولیس نے بتایا کہ ہردوار کے گاؤں دادکی میں ایشور چند شرما نامی 65 سالہ کسان نے زہر پی کر خودکشی کرلی۔خودکشی سے قبل آخری پیغام میں کسان نے لکھا کہ

’ بھارتیہ جنتا پارٹی کی حکومت نے 5 سال میں کسانوں کو تباہ کردیا ہے، انہیں ووٹ نہیں دیں ورنہ وہ ہر شخص کو چائے بیچنے پر مجبور کردیں گے‘۔تاہم پولیس اب تک اس پیغام کی حقیقت کی تصدیق کی کوشش کررہی ہے۔خودکشی سے قبل لکھے گئے پیغام میں ایشور شرما نے الزام عائد کیا کہ ایک شخص نے بینک سے 5 لاکھ روپے قرض لینے میں مدد کی تھی، وہ انہیں پیسوں کے لیے بلیک میل کررہا تھا۔کسان نے لکھا کہ قرض کے لیے درخواست دیتے ہوئے ضمانتی کے طور پر دستخط کرنے والے شخص کے نام ایک بلینک چیک دیا تھا۔انہوں نے الزام عائد کیا کہ بینک کو رقم لوٹانے کے بعد اس شخص نے چیک کا استعمال کرتے ہوئے ان کے اکاؤنٹ سے فصل بیچنے کے بعد موصول ہونے والی رقم نکالنے کی دھمکی تھی۔اسٹیشن ہاؤس آفیسر لکسروریندرا سنگھ نے کہا کہ ’ ابتدائی تحقیقات میں یہ بات سامنے آئی کہ خودکشی کرنے والے کسان نے ایک شخص کی مدد سے بینک سے 5 لاکھ روپے کا قرضہ لیا تھا‘۔انہوں نے کہا کہ’ کسان نے خودکشی سے قبل آخری بیان میں الزام عائد کیا کہ وہ شخص ان سے 4 لاکھ روپے دینے کا مطالبہ کررہا تھا۔