نئی دہلی(این این آئی)پاک بھارت کشیدگی کے سائے میں نامعلوم ہیکرز نے بھارتی حکومت اورحساس اداروں کی 90ویب سائیٹس ہیک کرلیں،بھارتی ٹی وی کے مطابق نام ظاہر نہ کرنے کی شرط پر بھارتی عہدیدارنے بتایاکہ پلوامہ حملے کے بعد جاری پاک بھارت کشیدگی کے دوران نامعلوم ہیکرز نے

بھارتی حکومت اورحساس اداروں کی 90ویب سائیٹس ہیک کیں تاہم حکومت نے فوری ردعمل ظاہرکرتے ہوئے ان تمام ویب سائیٹس کو بحال کرالیا،عہدیدارنے بتایاکہ یہ غیرمتوقع حملے بھارتی اداروں کو نقصان پہنچانے کے لیے کیے گئے تاہم ہیکرز کو اپنے ناپاک مقاصد میں کامیابی نہیں ملی۔