کراچی (نیوز ڈیسک)معروف ماڈل ثنا ء سرفراز مس امیج پاکستان بن گئیں۔گزشتہ روز امیج سکن کیئر کی بین الاقوامی رونمائی کی تقریب ہوئی ،جس میں شوبز سے وابستہ افراد نے شرکت کی۔اس موقع پر ماڈلز کی سکن کے حوالے سے کئے گئے سروے میں ثناءسرفراز کومس امیج پاکستان کا اعزاز دیا گیا۔ماڈل ثنا ءسرفراز نے نجی ٹی وی سے گفتگو کرتے ہوئے کہا کہ بیوٹی مصنوعات کی تشہیر کرکے ماڈلز لوگوں کی توجہ کا مرکز بن جاتی ہیں ،فیشن شو ز اور دیگر تقریبات میں ماڈلز کے لئے اپنی سکن کی خوبصورتی برقرار رکھنا کسی چیلنج سے کم نہیں ہوتا۔بیوٹی مصنوعات کی شخصیات کی جانب سے مس امیج پاکستان کا اعزاز میرے لئے بہت اہمیت کا حامل ہے ،ماڈلنگ کی دنیا کے بعد اب ٹی وی و فلموں میں کام کرنے کی آفرز مل رہی ہیں، ایک اہم فلم میں ہیروئین کے کردار کیلئے حامی بھی بھرلی ہے لیکن فلم اور ہیرو کا نام ابھی نہیں بتاناچاہتی۔