ممبئی(نیوز ڈیسک) پاکستانی گلو کار راحت فتح علی کے گانے ” ضروری تھا“ کو فلم ” ہماری ادھوری کہانی “ میں شامل کر لیا گیا۔ نجی ٹی وی کے مطابق بالی وڈ ہدایتکار موہت سوری نے اپنی فلم ” ہماری ادھوری کہانی“ میں پاکستانی گلو کار راحت فتح علی خان کا گانا ”ضروری تھا “ شامل کر لیا ہے ۔ موہت سوری کا کہنا ہے کہ یہ گانا زبردست گانا ہے جس کو راحت علی خان نے خوبصورتی سے اپنی سریلی آواز میں گایا ہے ۔ گانا رومانوی ،درد ، محبت تمام عناصر کا مجموعہ ہے ۔ اور اس فلم کیلئے بہترین انتخاب ہے ۔ فلم کی اہم کاسٹ میں ودیا بالن ، عمران ہاشمی اور راجکمار راﺅ شامل ہیں۔ فلم کی کہانی شادی شدہ عورت کے گرد گھومتی ہے جس کا شوہر لاپتہ ہو جاتا ہے ۔ بعد ازاں اسے کسی اور شخص سے محبت ہو جاتی ہے ۔ فلم 12جون کو سینما گھروں میں نمائش کیلئے پیش کی جائیگی۔