ممبئی (نیوز ڈیسک) بالی ووڈ حسینہ کترینہ کیف اور اداکار رنبیر کپور کی پریم کہانی شکوک و شبہات کی زد میں تھی اوراس میں دلکش اداکارہ عالیہ بھٹ بھی کود پڑیں جس کے بعد کترینہ کیف کی پریشانی میں مزید اضافہ ہوگیا۔ مارچ 2015ءمیں رنبیر اور عالیہ بھٹ کا تعلق دوستی سے آگے بڑھ گیا اور دونوں ملاقاتیں کرتے ہوئے بھی پائے گئے۔ رنبیر کی موجودہ گرل فرینڈ کترینہ کیف اس صورتحال پر سخت برہم ہوئیں اور اطلاعات کے مطابق ان کی رنبیر کے ساتھ جھڑپ بھی ہوچکی ہے۔
واضح رہے کہ رنبیر اور کترینہ نے حال ہی میں باندرہ کے پوش علاقے میں اکٹھے رہائش اختیار کی تھی لیکن میڈیا میں ان کی ڈانوا ڈول پریم کہانی کے بارے میں تشویشناک خبریں مسلسل سامنے رہی ہیں، حالیہ دنوں میں بھی رنبیر کپور نے 2016ءکے آخر تک شادی کرنے کااعلان کیا تو کترینہ کیف نے کچھ ہی دنوں میں اس کی تردید کردی۔