اسلام آباد(مانیٹرنگ ڈیسک)پی ٹی وی کرپشن کیس ، سرکاری ٹی وی کے سابق ایم ڈی اور معروف صحافی ڈاکٹر شاہد مسعود کی ضمانت قبل از گرفتاری کی درخواست خارج،شاہد مسعود عدالت سے فرار، ایف آئی اے کے گرفتاری کیلئے جگہ جگہ چھاپے، جلد گرفتارکر لیں گے، ایف آئی اے۔ تفصیلات کے مطابق پی ٹی وی کرپشن کیس میں سول عدالت نے سابق ایم ڈی پی ٹی وی اور معروف صحافی ڈاکٹر شاہد مسعود کی ضمانت قبل ازگرفتاری خارج کر دی ہے

ڈاکٹر شاہد مسعود عدالتی فیصلے سے قبل ہی عدالت سے چلے گئے ۔ واضح رہے کہ شاہد مسعود پربطورایم ڈی اورچیئرمین پی ٹی وی 3 کروڑ30 لاکھ روپے کی خوردبرد کا الزام ہے۔عدالت نے ڈاکٹر شاہد مسعود کو فوری گرفتار کرنے کا حکم دے دیا ہے جس کے بعد ایف آئی اے نے ملزم کی گرفتاری کیلئے چھاپے مارنے شروع کر دئیے ہیں۔ ایف آئی اے کا کہنا ہے کہ ملزم کو جلد گرفتار کر لیا جائے گا۔