ابوظہبی(سی پی پی)پاکستانی ٹیم کے کپتان اور وکٹ کیپر بلے باز سرفراز احمد نے کہا ہے کہ آؤٹ آف فام ہونے کی وجہ سے بہت دباؤ کا شکار تھا، کوئی کہتا ہے ٹیسٹ کرکٹ چھوڑ دو، کوئی کہتا ہے کپتانی چھوڑ دو اور کوئی کہتا ہے اسے ٹیم سے نکال دو، آسٹریلیا کے خلاف آخری ٹیسٹ کی پہلی اننگز میں 94 رنز میرے لئے بہت اہم ہیں اور اس سے مجھے بہت ریلیف ملے گا۔ کپتان نے کہا کہ پرفارم نہ کرنے اور آؤٹ آف فام ہونے کی وجہ سے میں خود بہت پریشان اور دباؤ کا شکار

تھااور لوگوں کی طرف سے بھی کڑی تنقید کا سامنا تھا۔ انہوں نے کہا کہ کوئی کہتا ہے ٹیسٹ کرکٹ چھوڑ دو، کوئی کہتا ہے کپتان چھوڑ دو اور کوئی کہتا ہے اسے ٹیم سے نکال دو، بلاشبہ میرے لئے پرفارم کرنے میں بہت دباؤ تھا ایسی صورت حال میں کینگروز کے خلاف ابوظہبی ٹیسٹ میں 94 رنز کی اننگز کھیلنا میرے لئے بہت اسپیشل ہے اور مجھے بہت ریلیف بھی ملے گا، دوسری اننگز میں کوشش ہو گی کہ عمدہ پرفارم کر کے ٹیم کو فتح دلانے میں اہم کردار ادا کروں۔

موضوعات:سرفراز احمد