حیدرآباد(اسپورٹس ڈیسک)ویسٹ انڈیزکے خلاف ٹیسٹ میچ کے دوران ویرات کوہلی کے ساتھ سیلفی لینے کی کوشش پر نوجوان کے خلاف مقدمہ درج کرلیا گیا۔ویسٹ انڈیز اور بھارت کے درمیان حیدرآباد کے اوپل اسٹیڈیم میں جاری دوسرے ٹیسٹ کے پہلے روز19سالہ محمد خان سیکورٹی حصار توڑ کر دوڑتا ہوا گراؤنڈ میں داخل ہوا اور ویرات کوہلی کے ساتھ سیلفی لینے کی کوشش کی تاہم

سیکورٹی اہلکار وں نے موقع پر پہنچ کر اْسے دبوچ لیا اور بھارتی کپتان سے دور کردیا۔ بعدازاں نوجوان کے خلاف دخل اندازی کی دفعہ کے تحت مقدمہ درج کردیا گیا۔حالیہ سیریز کے دوران یہ دوسرا موقع ہے جب کوہلی کے کسی مداح نے اْن کے ساتھ سیلفی لینے کی کوشش کی ہے،راجکوٹ میں پہلے ٹیسٹ کے دوران بھی ایک مداح کوہلی کے ساتھ سیلفی بنوانے کے لئے میدان میں گھس آیا تھا۔