اسلام آباد(نیوزڈیسک)پاکستان کرکٹ بورڈ کے چیئرمین شہریارخان نے ہیڈکوچ وقاریونس سے ٹیم سلیکشن کے اختیارات چھین لئے جس کے بعد چیف سلیکٹرہارون رشید کیلئے بغیرکسی دباﺅ کے مرضی کی ٹیم منتخب کرنے کا راستہ کھل گیاہے۔ذرائع کے مطابق پاکستان کرکٹ ٹیم کی بنگلہ دیش کے ہاتھوں ون ڈے سیریز اور واحد ٹی ٹونٹی میچ میں عبرتناک شکست کے بعد ڈراپ کئے جانیوالے دونوں پلیئرز احمد شہزاد اور عمراکمل کو پاک زمبابوے سیریز میں واپس لانے کا فیصلہ کرلیاگیاہے۔ ذرائع کے مطابق چیئرمین پی سی بی شہریارخان نے ہیڈکوچ وقاریونس سے ٹیم سلیکشن کے اختیارات چھین لئے ہیں جس کے بعد چیف سلیکٹرہارون رشید کیلئے بغیرکسی دباﺅ کے مرضی کی ٹیم منتخب کرنے کا راستہ کھل گیاہے۔دریں اثنا زمبابوے کے خلاف ہوم سیریز میں فوادعالم اور اسدشفیق کو بھی موقع نہ دینے کافیصلہ کیاگیاہے جبکہ راحت علی اور سہیل خان ان فٹ ہونے کے سبب قابل غورنہیں سمجھے جائیں گے ان کی جگہ کراچی کے آل راﺅنڈر انورعلی کو موقع دئیے جانے کا امکان ہے۔
