سرگودھا(آئی این پی)سنگدل باپ نے روٹھی بیوی سے انتقام لینے کیلئے اپنے کمسن بچے کو گلا دبا کر قتل کر دیا اور اس کی نعش راجباۃ رحیم پورہ میں پھینک دی ، تفصیلات ہلال پور کی رہائشی فرزانہ کوثر کی چند سال قبل شادی اپنے ہی گاوں کے صدیق عرف رفیق کے ساتھ ہوئی جس سے ان کا اڑھائی سال کا ایک بچہ عمران حسن ہے ۔دو ماہ قبل فرزانہ اور صدیق کے مابین گھریلو ناچاقی پیدا ہو گئی جس پر صدیق نے اپنی بیوی کو بچہ چھین کر گھر سے نکال دیا، اس دوران صدیق نے بیوی سے انتقام لینے کیلئے
اپنے اڑھائی سالہ لخت جگر عمران حسن کو گلا دبا کر قتل کر دیا اور اسکی نعش راجباہ رحیم پور میں پھینک دی قتل کی اس لرزہ خیز واردات کا علم اس وقت ہوا جب فرزانہ کوثر نے اپنے نابالغ بچے کی بازیابی کیلئے ایڈیشنل سیشن جج کو درخواست دی جس پر عدالت نے پولیس کو بچے کو بازیابی کا حکم دیا تو پولیس کی حراست کے دوران ملزم صدیق نے اپنے بچے کو قتل کرنے کا اعتراف کر لیا، ملزم کیخلاف بچے کے قتل کا مقدمہ پولیس نے اسکی بیوی کے بیان پر درج کرکے اسے حراست میں لے لیا ہے۔
