راولپنڈی (نیوز ڈیسک) زلفی بخاری کو وزیراعظم عمران خان نے اپنا معاون خصوصی تعینات کیا ہے اور انہیں وزیر مملکت کا درجہ حاصل ہو گا اور وہ اوورسیز پاکستانیوں کے حوالے سے معاملات دیکھیں گے، اس موقع پر تحریک انصاف چھوڑ کر جانے والی فوزیہ قصوری نے سماجی رابطے کی ویب سائٹ ٹوئٹر پر اپنے پیغام میں ایسا حیرت انگیز انکشاف کیا ہے جسے سن کر عمران خان بھی سوچنے پر

مجبور ہو جائیں گے، فوزیہ قصوری نے ٹوئٹر پر جاری اپنے پیغام میں کہا کہ مارچ 2013ء میں عمران خان نے مجھے کہا تھا کہ اگر آپ انٹر پارٹی الیکشن میں حصہ لینا چاہتی ہیں تو اپنی امریکی شہریت کو چھوڑ دیں، میں نے چھوڑ دی، عمران خان جو چاہتے تھے میں اس کا احترام کرتی تھی اور اس کی وجہ پی ٹی آئی سے میری محبت تھی لیکن اب دوہری شہریت والے عہدوں پر تعینات ہیں، کیا یہ انصاف ہے؟۔