اسلا م آباد(آن لائن)پیپلز پارٹی اور مسلم لیگ (ن) میں نظریات پر اختلافات کے باعث اپوزیشن جماعتوں کا بلایا جانے والا اجلاس منسوخ کر دیا گیا ۔تفصیلات کے مطابق منگل کے روز مسلم لیگ (ن) کی جانب سے مشترکہ اپوزیشن جماعتوں کا اجلا س 9 بجے پارلیمنٹ ہاؤ س میں طلب کیا گیا تھا جس میں بجٹ اور منی بجٹ سمیت انتخابات میں مبینہ دھاندلی کی تحقیقات کے کمیشن کے مطالبے سمیت مہنگائی
کے طوفان پر احتجاجی حکمت عملی بنائی جانی تھی لیکن پیپلز پارٹی اور مسلم لیگ (ن) میں نظریات پر اختلافات کے باعث اپوزیشن جماعتوں کے اجلاس کو منسوخ کر دیا گیا ہے واضح رہے کہ گزشتہ روز بھی مشترکہ اجلاس میں نکتہ اعتراض پر مسلم لیگ ن کے رہنماؤں کو بات نہ ملنے کی اجازت پر پی ایم ایل (این) اراکین اسمبلی نے اجلاس سے واک آؤٹ کیا تھا لیکن پیپلز پارٹی اراکین اسمبلی ایوان میں بیٹھے رہے تھے۔
