کراچی(این این آئی)اسٹیٹ بنک کے مطابق 30 جون کوختم ہونے والی مالی سال میں پاکستان سے آئی ٹی ایکسپورٹ1ارب6کروڑ ڈالر رہی ۔مالی سال 17-2016 میں یہ برآمدات 93 کروڑ ڈالر، سال 16-2015 میں 78 کروڑڈالر، 15-2014 میں 82 کروڑڈالر جبکہ 14-2013 میں ایکسپورٹ 81 کروڑ ڈالر تھی۔کال سینٹر، ٹیلی کمیونی کیشن سروسز، ہاڈوئیر، سافٹ وئیر کنسلٹنسی اور نیوز ایجنسی سروسز، انفارمیشن سروسز نے برآمدات

بڑھانے میں اہم کردار ادار کیا۔حکومت 2020 تک آئی ٹی برآمدات 5 ارب ڈالر سالانہ تک پہنچانے کا ارادہ رکھتی ہے جبکہ 2025تک آئی ٹی برآمدات پر ٹیکس کی چھوٹ بھی دے رکھی ہے۔آئی ٹی کے اسپشل زونز اور آئی ٹی پارکس کی تعمیر بھی برآمدات بڑھانے کی ایک حکومتی کوشش ہے۔ماہرین کے مطابق پاکستانی مصنوعات کی عالمی منڈی میں طلب بڑھتی جارہی ہے۔اگرحکومت ساتھ دے تویہ برآمدات 2 ارب ڈالرسالانہ تک لائی جاسکتی ہیں۔