اسلام آباد (مانیٹرنگ ڈیسک) وزیراعظم پاکستان عمران خان اپنے پہلے دورے سعودی کیلئے بروز منگل کو روانہ ہوں گے ۔ میڈیا اطلاعات کے مطابق وزیراعظم عمران خان کے دورہ سعودی عرب میں تیل کی ادائیگیوں کے موخر کرنے سے متعلق معاملے پر بات چیت ممکن ہے۔ جبکہ چین اور سعودی عرب پاکستان کو
مالیاتی امداد میں بڑی رقم دینے کیلئے بھی تیار ہو گئے ہیں ۔ تاہم سعودی عرب سی پیک منصوبے میں شمولیت کا ارادہ بھی کر چکا ہے ۔ حکومت سعودیہ نے پاکستان کو آسان شرائط پر ساڑھے پانچ ارب ڈالر دینے کا بھی اعلان کیا ہے ۔ واضح رہے کہ وزیراعظم عمران خان بروز منگل سعودی عرب کا پہلا دورہ کریں گے ۔
